KMAIR*

 

In principio erat Verbum, et Verbum erat apud Deum, et Deus erat Verbum. 

Hoc erat in principio apud Deum. 
Omnia per ipsum facta sunt, et sine ipso factum est nihil, quod factum est; 
in ipso vita erat, et vita erat lux hominum, 
et lux in tenebris lucet, et tenebrae eam non comprehenderunt.
Fuit homo missus a Deo, cui nomen erat Ioannes; 
hic venit in testimonium, ut testimonium perhiberet de lumine, ut omnes crederent per illum. 
Non erat ille lux, sed ut testimonium perhiberet de lumine.
Erat lux vera, quae illuminat omnem hominem, veniens in mundum. 
In mundo erat, et mundus per ipsum factus est, et mundus eum non cognovit. 
In propria venit, et sui eum non receperunt.
Quotquot autem acceperunt eum, dedit eis potestatem filios Dei fieri, his, qui credunt in nomine eius, 
qui non ex sanguinibus neque ex voluntate carnis neque ex voluntate viri, sed ex Deo nati sunt.
Et Verbum caro factum est et habitavit in nobis; et vidimus gloriam eius, gloriam quasi Unigeniti a Patre, plenum gratiae et veritatis.
Ioannes testimonium perhibet de ipso et clamat dicens: “ Hic erat, quem dixi: Qui post me venturus est, ante me factus est, quia prior me erat ”.
Et de plenitudine eius nos omnes accepimus, et gratiam pro gratia; 
quia lex per Moysen data est, gratia et veritas per Iesum Christum facta est. 
Deum nemo vidit umquam; unigenitus Deus, qui est in sinum Patris, ipse enarravit.

posted by GIADA@00:00CET La Santa Sede B A S I L I C A V A T I C A N A  SOLENNITÀ DEL NATALE DEL SIGNORE Dal Vangelo di Gesù Cristo secondo Giovanni 1,1-18. Photo Originally Uploaded by KMAIR*,  NATIVITAS DOMINI MMXI ©✈2011 Tutti i diritti riservati Thank you for flying KMAIR*, we hope you had a pleasant flight, please fly with us again...